Rezervo fustanin për ditën tuaj duke plotësuar formën më poshtë. Caktoni datën dhe shënoni të dhënat e juaja.
Ne do të ju kontaktojmë në numrin e telefonit ose përmes email.
Mirë se vini në Dress to Impress! Ju lutemi të lexoni me kujdes termat dhe kushtet tona përpara se të rezervoni një fustan.
Rezervimi i Fustaneve
Të gjitha rezervimet e fustaneve bëhen ekskluzivisht përmes faqes tonë të internetit.
Marrja e Fustanit dhe Kontrata
Në momentin që merrni fustanin, ju do të nënshkruani një kontratë që siguron se fustani nuk do të dëmtohet dhe do të kthehet përsëri në gjendjen e tij origjinale. Në rast të dëmtimit të fustanit, do të ndiqeni ligjërisht për të mbuluar dëmet e shkaktuara.
Dokumentacioni i Nevojshëm
Për të marrë fustanin, do të bëjmë një kopje të letërnjoftimit tuaj. Kjo është e nevojshme për verifikimin e identitetit dhe sigurimin e produktit tonë.
Sigurimi dhe Pagesat
Përveç pagesës për qiranë e fustanit, klientja duhet të lërë një depozitë sigurimi prej 40% të shumës totale. Kjo shumë do t’ju kthehet kur të ktheni fustanin në gjendjen e tij të paprekur.
Rregullat për Përdorimin e Fustaneve
Fustanet nuk duhet të pastrohen, priten, zgjaten, ngushtohen apo modifikohen në asnjë mënyrë nga klientja. Çdo modifikim apo dëmtim i fustanit konsiderohet si shkelje e kontratës dhe depozita e sigurimit nuk do të kthehet.
Pastrimi i Fustaneve
Ne e bëjmë vetë pastrimin e fustaneve pas çdo përdorimi. Ju lutemi të mos tentoni të pastroni fustanin vetë, pasi kjo mund të shkaktojë dëme të cilat mund të ndikojnë në kthimin e depozitës së sigurimit.
Marrja dhe Kthimi i Fustaneve
Fustanet duhet të merren dhe të kthehen personalisht në adresën tonë. Ne nuk sigurojmë postë ose transport për dërgimin dhe kthimin e fustaneve.
Duke përdorur shërbimet tona, ju pranoni dhe bini dakord me termat dhe kushtet e përmendura më sipër. Ne ju falenderojmë për mirëkuptimin dhe bashkëpunimin tuaj!
